شوفنا كتير

شُوفنا مِنك كتير

ذقنا الظلم ألوان

وأخرتها يعني مشير

عدت علينا ا لأزمان

ولسّه بيحكمك المُخبر والغفير

اتملت فيكي سجون الذل

ومعدتش فيكي براح

والظلم مخيم ع الكل

والدم ع الارض ساح

شربنا العذاب

وايه الحل

والعيشة صبحت هباب

والحلم جوانا عمره ما مل

ولا عاد في الوش معالم

ولا شىء انساني

صبح نص بني آدم

بفتش ع النص التاني

والصبر خلاص اكتفى

وخيبتنا ياولدي تقيلة

والضهر خلاص انحنى

بلاها دي شيلة

يارب فين اراضيك

ليه عليهم ساكت

ماهواش كفر بيك

بس الحيله فينا ماتت

قالو عليك وطن

ازاي وفيها سلطان؟؟

ولما سالنا الزمن

رد وقال مات الانسان

لاعمره يوم خانك

مع انه مسجون فيك

وفي وقت الشدة صانك

عطشان ياولدي ومين يسقيك

وفي الختام

خد منه الوصيه

اكتب على القبر الكلام

مات  شهيد حب بهية

أميات الثورة-2

 
وعملنا ثورة ياوﻻد
ولسة التناحة في دمنا
شعب يعشق اﻻعياد
افرح وارقص ياعمنا
واصنع تاني الجلاد
ماهو الثورة في عُرفنا
نقف ع الشهدا
دقيقة حداد

وتعيش الوطنية

بلحس البيادة

وتموت الحرية

وتعيش السيادة

وطنية مين.و.فين.و.اية

يعني تطاطي مذلول

للعسكر والبية

يعني تعيش مشلول

 ومتساليش لية

تسمع منهم اجدعها كلام

عن الوطنية  والسيادة

ويعرص اصحاب الاقلام

وكسمك ياصاحب السعادة

طب اسالوه عنه

اكيد انتم عارفين مين

مات ياولداه ..صغير سنة

والناس لسّاهم نايمين

يوم ماجه يتكلم

في السجن رموه

مش ساكت مش مسلم

 يعني ملعون ابوه

طب بلاش هو

شوف عيون الناس

يمكن تلاقي الامل جوه

 في الظلام منداس

طول عمره مسجون

جوه القفص

طول عمره مطعون

ولا يوم يابلد منك اتمص

ولا في مرّه خان

جدع وابن جدع

شال القضية وصان

ولا في يوم خدع

واخرتها يموت مدهوس
والعجلات بتزعق

مش عاوزه تدوس
وهو تحتها بيشهق
دا ضيه  في الضلمة
فانوس
يحب الفجر ويعشق

وسيادتة قاعد والمزاج عال

فينك ياعم مساعد

فينك ياعبد العال

حط الساعد ع الساعد

يختشي الخسيس وتنهد الجبال

والتاني عامل فيها مناضل

وهو بروح امة عرص

دا كان شوية وفاضل

ينزل للبيادة ويمص مص

وانت قاعد قدام الشاشات

بيتعذب بيتهان بيموت

وانت شغلتك لحس البيادات

 بكره عليك تفوت

وتقول اه م البيادة  ياعرصات

ياشعب امته تروق

دا انت مرشق بعابيص

ياطبيب امته يفوق

وداويني بالتي هي بلا تعريص

خليك  ساكت ع  العذاب

 فهموك ان السكوت جميل

 مع انه لغة القحاب

فهموك ان الليل طويل

مع ان الصبح بالف باب

واتقسمت ياخال التورته

بين ثورجي بيادة

واحزاب اونطه

يا هل ترى دي العادة

ولا لسه الامل

حاضن بكره.

أميات الثورة1_(من وحي نجيب سرور)

قالو دولة

يعني فين يوجع

وخدنا يعني مقاولة
والشخره جونا حالفة ماترجع

قالو عليها  ثورة

وقام العسكري وطبل

صبح الصباح

قلبت عورة

  ولسه العسكري بيقتل ومكمل

افتح ياجدع التلفزيون

اتفرج وشوف

دا التعريص بميت لون

دول بقو ألوف

ضلل في الناس كل يوم

دا النسيان دين

والغلابه غارقنيين في الهموم

والعرص لسّاه بيقوله امين

والبيضان خربت

يابلد المشانق والصلبان

بتشنقوني لية

ما انا ميت من زمان

وكسم البية

ع العسكري والجبان

واللي باعو الولد بجنية

شوف قتلو كام

بص ع السجون

دول طلعو لينا في المنام

هتفضل طول العمر ملعون

طول مانت سايب للعسكري الزمام

يقتلوك ويمشوا في الجنازة

مواطن وانسان

يعني مالكش عندهم عازة

في الصبح يقول حماها

والليل يقتل غنويها

دا هو اللي سباها

وحاميها هو حرميها

ويعمل كشف عذريه

قال ايه على البنات

ماتتكلمي يابهيه

ولا ينكونا احسن

ونصبح كلنا خولات

وقالك فتنة طائفيه

مسلم ومسيحي

قولي احا يابهيه

دول قتلو شقيقي

لو فاهم انها مسيحي ومسلم

اقللك احا

فوق مرة واتعلم

دا العسكر فشخها

وع الكل معلم

دا هو اللي بدعها

واللي قتلك يامينا هو جلادك ياسيد يابلال
لافيها مسلم ولا مسيحي ولا كافر
افهم يابجم كلها اغلال
دا الجلاد ع الكل فاجر
دول وارثنا ابا عن جد
دول وخدنا احتلال

ولسة الافلام كتير

فصول ورا فصول

وكلها تخدير

انت ديما فيها مقتول

وديما فيها الاخير

الثورة(ياوﻻد الوسخة)

في البدء كانت كُفر
وخروج ع الحاكم
في النص كانت عُهر
وشغل عوالم
واخرة المُر
سجن على نيابة
على محاكم

والثورة بتتباع وبتتخم
ولسه بيهتفوله
بالروح وبالدم
ولسه بيندهوله
انت الخال وانت العم
ارحمونا ياخلق
كفايانا هم

راح رئيس وجالنا بيادة
وقلنا ياخلق بقى ننضف
اترينا رجعنا لنفس العادة
ليه....طب بس نعرف
قالولنا كفاياكوا بزيادة

والثوره قاعده تشحت
في الخلق والناس
والمجلس في السجن يبعت
ماهو ﻻزم ياخلق ننداس

قولنا نِضرِب
وملعون ابو البيه
وتبقى مندس مُخرب
وكل ده عشان سُبعمية جنية
عريان وجعان .... يرد
طب تاكل ليه
العيب علينا مش عليهم
واللي رضع تلاتين سنة
هيكون يعني ايه

الثوره مش سياسية
وﻻبتتدرس في كتب
وﻻ شغل كياسة
الثورة يعني غضب
الناس اللي تحت الذل
منداسة

بقالنا ثلاتين سنة بنتكلم
خدنا ايه يعني م الكلام
مرّه واحده نتعلم
احنا اسقطنا ياخلق نظام
ليه واقف ومبلم
يعني هي ع العسكر
حرام

كلوها في البطون
لسّة مش واخد بالك
دول رموا الخلق في السجون
لسّاك خايف على عيالك
بكرة تكون انت الملعون
وتلاقيهم مترصدينلك
ورا بابك

بتبكي ليه ياجحا
ارضك واتباعت للغربان
عرضك واتهتك في السجون
بقالو زمان
اصرخ ياجحا
وفكك م اﻻوهام والظنون
قبل مايشنقوك ع الصلبان

إفطنها ياجحا مرّة
واركب الحمار
متكونش مركوب
مش كل مرّة تسلم الجرّة
واتعلم م التاريخ
دا عرابي مات في عيون الخلق
مصلوب


سيبك انت م الكلامنجية
بتوع الشاشات
دول هما الحرامية
دول شوية جبانات
خليك مع الطلعة الثورية
قبل ماحلمك يتسرق
ونقول علية مات

هنخلص امته م العطف والمن
هنبطل امته الكلام
وشغل الزن
الثوره ياوﻻد الوسخة
مهياش سياسية
وﻻعمرها كانت فن


الثورة ياخلق الله منارة
مش بس تعب وهم
الثورة تاريخ وحضارة
بيتكتبو بالدم

حكم البيادة

خلصنا من حكم البوليس
ولبسنا حكم البيادة
والثورة راحت فطيس
ماهي في التاريخ عادة

وخلصت ياخال القضية
وناس في الميادين تموت
وناس هناك غبية
وثورة ورا ثورة تفوت
وعشقك يابلدي غيّة

ارفعوا اﻻقلام
واكتب ياتاريخ واقول
عن مجلس وعصابة ونظام
وشعب لسه بيدور
على نبي ورسول

فتّح الورق المكتوب
ياشعب معلّم
شوف مرّه المحجوب
مرّة من التاريخ اتعلم

نسيت لما كنت واقف
في الميدان
نسيت لما قولت ﻻء
في وش السجّان


نسيت دم الشهيد
يوم مامات
نسيت صرخة جيفارا ياعبيد
وﻻ ريما رجت بعادتها
فينا تِبات


الكل بينسي تحت العذاب
تحت الخوف الي ماليها
تحت بوس البيادة والقباب
هي عادتنا وﻻ هنشتريها
دا الذل باب مفتوح جوه باب

والذل بينخر زي دود اﻻرض
لسّاه سارح وماشي
عامل زي السنة والفرض
لسّانة في الزريبة مواشي


ياثورة مين يشتريكي
من قبلك باعوا البلد
وقتلوا في الميدان شقيقي
وخانوا تاني الولد
يعني هي جت عليكي

باعوكي برخص التراب
كل شارع كل حارة كل باب
ماسبوش حاجة فيكي
نهبوكي الكلاب


بعتب عليكي وانا الي صانك
وانا الحارة والشارع
انا النقش الي على جدرانك
وانا الكنيسة والجامع
دا انا الي نصفتك
يوم ما التاريخ خانك


عطشان يابلدي
ومين يسقيني غيرك
دا انا اللي زرعتك
واتمرمط في طينك
وانا اللي شيلتك
يوم ماتهد حيلك

 منتيش مكان يابلد
انتي صانيعي وفلاح
ع اﻻرض اتولد
وسجّان وسفاح
قتلوا فيكي الولد

 عيل م العيال
وش م الوشوش
فارس خيّال
زعيم من غير جيوش
فواعلي وشغّال
وطبقة م الجحوش

وفي الختام. رسالة
م الريف والبندر
م العمال والطبقة الشغالة
يسقط يسقط حكم العسكر
فعل مش بس قوالة



وانتم ياعالم عايشة
في القصور
وانت ياشاويش
ياعبد المأمور
وانت يالي قافل الشيش
وعايش في القبور
 العجلة خلاص دارت
وجاي عليكم الدور

في فلسفة (اﻷحا) ...تأسيس اول

طبعا انت مستغرب من الكلمة وبتقول احا ,ايه قلة اﻻدب دي ع الصبح ,طبعا انت مش واخد بالك انك قولتها ,طيب ببساطة يعني كلمة احا اختصار مصري عبقري للاعتراض ,الكلمة ﻻ عيب وﻻ حرام والي يقلك كده قوله طبعا احا. كلمة بسيطة من 3 حروف بس جوه الحروف دي مليون كلمة وطاقة كبيرة جدا ,هحاول ارصد اﻻحا في الشارع المصري والشارع العربي  ,لما تشوف السلفيين بعد التنحي بيقولو احنا ضد اﻻلتفاف على ارادة الشعب  وﻻزم الشعب الي يقرر اللي هو عايزه  وتقوم عامل رويند للشريط قبل بالظبط يوم 25 يناير وتفتح تسمع عمو عبد المنعم الشحات وافيونات الشيوخ من فتاوي  الخروج ع الحاكم حرام  ﻻزم تقول (احا). طيب لما كل يوم في التلفزيون وﻻ في الراديو وﻻ ع النت وﻻ في اي حته ان الشعب المصري ده شعب متدين وغيور على دينة والمادة الثانيه من الدستور واسلامية اسلامية وتيجي تبص تلاقي  حالات التحرش الجماعي ايام اﻻعياد غير الميكروباصات غير طبعا احنا رابع بلد بتبجث عن كلمة سكس ع النت ﻻزم تقول (احا). ولما تشوف حزب لبرالي اسمه الوفد وكان فيه زمان النحاس باشا ويمسكه واحد اسمه بدوي ﻻزم تقول (احا).ولما تشوف السعودية الي فيها الكعبة ويطلق عليها بلد اﻻسلام وتبص ع المجتمع السعودي ﻻزم تقول (احا).لما تشوف كام مشترك ع النت في العالم العربي وتلاقي الواحد قاعد على اللاب توب وتيجي تسالة يعني ايه سيرف (surf) يقلك مش دي بتاع اﻻسكواش وﻻ البينج بونج باين ﻻزم تلاقي (اﻻحا) طالعة لوحدها.

ونكتفي بهذا القدر.

عن اﻻنتقائية اتحدث

الموقف اﻻنتقائي او اﻻنتقائية ,ببساطة ان تجزأ نظرتك للاشياء او المواقف او اﻻشخاص على اساس انتمائك او اﻻيدولوجية التي تؤمن بها , مثال بسيط انت تساند القاعده لانتمائك الديني وتبرر له ما يفعله سواء قتل جنديا امريكا او موطنا  اعزل فإنك 
تمجده حين يفجر مبنى يتبع امريكا او لعملائها في بلادنا العربية حتى ولو سقط المئات من اﻻبرياء و العزل ,وانت نفس الشخص الذي يدين كل يوم اﻻنتهاكات الصهيونية ضد شعب غزه اﻻعزل وانت نفس الشخص الذي ينتقد وتسب وتلعن الشرطة المصرية حين تنتهك كرامتك وهنا يكون النتاقض فأنت تنصر اهل غزه لمجرد انهم على عقيدتك الدينية, لوانهم كانو يهود عزل واﻻ مريكان هم من ينكلون بهم لكنت مجدت امريكا. ولكي تتعرف ع اﻻنتقائية انظر على امريكا والكيان الصهيوني وانظر على جماعات اﻻسلام الساسي لن تجد فرق بينهم انظر على موقف اﻻخوان وتناقضهم ونفعيتهم طوال الثورة  وانظر ايضا على موقف ايران وحزب الله  من الثوره في مصر وموقفها من الجزار بشار اﻻسد الكل يدور في فلك من يحكم العالم ومصلحتي اوﻻ ومن اﻻقوى وليذهب اﻻخرون للجحيم.  

عن سلطة العقل الجمعي

كان احد دعاة اللبرالية يتحدث عن ان اللبراليه ليست ضد الصالح العام للمجتمع, اخذت ابحث عن الصالح العام فلم اجد له تعريفا او مرادفا غير سلطة العقل الجمعي بمعنى ان يجتمع  في ذهن اغلبية من الناس على شىء ما انه خطأ او صحيح وبالتالي على المنتمي لهذه الجماعة ان يكون مجبرا على ان ﻻ يفعل هذا الشىء لو كان الشىء خطأ في العقل الجمعي, او عليه ان يصدق على اي شىء دون نقد ,يراه هذا العقل الجمعي انه الصحيح . فمثلا اذا كنت ملحدا ﻻيحق لك نشر افكارك ع العامه من الناس خوفا ان يكفرو(يالسذاجة). ان سلطة العقل الجمعي اخطر من اي دكتاتوريه ﻻنها تسند لشرعية اﻻغلبيه وان كانت في معظم اﻻحيان تكون تلك اﻻغلبيه زائفة ,وتعمل سلطه العقل الجمعي  على حد الحريات الفرديه وتكبيل حرية الفرد وبالتالي قتل اﻻبداع والتجديد وبتر اي افكار جديده وتصويرها على انها خلايا سرطانية تنهش في الجماعة او المجتمع بشكل عام.ان سلطة العقل الجمعي هي اكبر صور للطغيان والدكتاتورية.

المعركة الوهمية حول الهوية المصرية

الكلام والاحاديث التي تجري الان على هوية مصر ,ومحاولة ادخال القوى الاسلامية المجتمع الى صراع ديني وهو في الاصل سياسي (المناقسة على كرسي الحكم والبرلمان)ومحاولة تصدير شعور للعوام من الناس ان الصراع حول الدين .لم تكن شعارات الثوره اسلاميه او مسيحية او كافرة ملحدة ,قامت الثورة من اجل اسقاط الاستبداد والدكتاتورية لتقيم دولة مكونة من ثلاث شعارات (عيش_حرية_عدالة اجتماعية)وبالتالي مايحدث الان ليس له علاقة بالثورة من قريب او بعيد ولكنها في نهاية المطاف صراع ايدولوجيات سوف يعيد انتاج نظام قديم قائم على الاستبداد والاقصاء .وبالنسبة لهوية مصر تستمدها من تاريخيها وجغرفيتها ,مصر تقع في المنطقة العربية وتنطق اللغة العربية وبتالي لها هوية عربية, مصر ذات تاريخ فرعوني وحضارة فرعونية من سبعة الاف سنة فهي ذات هوية فرعونية ,مصر احتضنت المسيحية ومازالت فهي ذات هوية مسيحية ومصر التي احتضنت الاسلام واغلبية شعبها مسلم فهي ذات هوية اسلامية , مصرذات هوية مصرية متعددة الثقافات والاتجاهات وفي النهاية نحن في مجتمع كل شخص له معتقداتة وافكاره الخاصه .وبالتالي مايحدث الان هو محاولة لحصر الثورة المصرية في صراع ايدولوجي سيؤدي في النهاية الي اجهاض الثورة ويقدم السلطة على طبق من ذهب للعسكر.